FB Carp 2025-12-27
可能係我錯覺
印像中唔少以「中文科為身份認同嘅人」(以下簡稱「中文人」) 總係有呢種自卑積怨以致狂妄嘅傾向。唔知係咪因為書入面講嘅王道真理喺現代社會似乎格格不入，定係佢哋熟讀嘅齊家治國良方喺現代社會完全無用武之地，搞到要「淪落」到教書維生。喺教室入面大家心知肚明，學生對教師嘅表面尊重，好多時都係所謂嘅狐假虎威，學生為咗張沙紙不得不唯唯諾諾，教師有冇真正贏得學生嘅尊重就得佢自己知道。
中文科理論上涵蓋嘅內容博大精深，我自己係絕對唔敢輕視嘅。但時代變遷，以前人人都讀聖賢書，上至社會頂流下至貧窮人家，唔會有咩 self-selection；但唔知點解而家啲「中文人」卻係充斥住啲孔乙己之流。（正所謂蜀中無大將，孔乙己揸支鎗） 話就話係傳承文化，實際上話唔定係自我餵屎。嗱，呢個位要重點澄清，傳承嘅文字絕對唔係屎嚟，不過啲人閂埋門自己煮啲咩俾自己食就得佢自己先知，我就只能夠從公開嘅說話推測。言為心聲，聞到臭味，肯定唔係佢喺本論語孟子度食出呢種滋味。至於係佢本人出事，定係成個同好圈子出事我就不得而知。
任何「粉絲會」一旦脫離社會實際情況再俾佢少少公權就會出事，呢個真係唔係任何人嘅個人責任嚟。等於你都唔會無端端叫 DSE 開科 Mirror Studies 然後用公家錢請佢哋啲粉絲會成員做教師。 不過偏偏啲「中文人」就覺得自己啲嘢冇用但又夠膽收公家錢走去教書，呢樣嘢真係十分之好笑嘅事嚟。 （至於啲嘢有冇用？ 只能夠講本身係有用嘅，不過好似啲武俠小說劇情咁樣，武術秘笈猶在，心法失傳，威力全無，啲花拳秀腿以為自己好打得。）
可能咩 Mirror Studies 真係離譜咗少少，但啲「中文人」感覺真係好似啲哈利波特粉絲咁，可以將小說劇情背到爛熟，可以推演出各種fan theory、同人fan fic，講得頭頭是道。但哈利波特粉嘅特點係咩？佢哋唔信真正嘅魔法嘛。cosplay 就得，真係實踐巫術嘅話就不了。
子曰：君子無終食之間違仁，造次必於是，顛沛必於是。
印像中唔少以「中文科為身份認同嘅人」(以下簡稱「中文人」) 總係有呢種自卑積怨以致狂妄嘅傾向。唔知係咪因為書入面講嘅王道真理喺現代社會似乎格格不入，定係佢哋熟讀嘅齊家治國良方喺現代社會完全無用武之地，搞到要「淪落」到教書維生。喺教室入面大家心知肚明，學生對教師嘅表面尊重，好多時都係所謂嘅狐假虎威，學生為咗張沙紙不得不唯唯諾諾，教師有冇真正贏得學生嘅尊重就得佢自己知道。
中文科理論上涵蓋嘅內容博大精深，我自己係絕對唔敢輕視嘅。但時代變遷，以前人人都讀聖賢書，上至社會頂流下至貧窮人家，唔會有咩 self-selection；但唔知點解而家啲「中文人」卻係充斥住啲孔乙己之流。（正所謂蜀中無大將，孔乙己揸支鎗） 話就話係傳承文化，實際上話唔定係自我餵屎。嗱，呢個位要重點澄清，傳承嘅文字絕對唔係屎嚟，不過啲人閂埋門自己煮啲咩俾自己食就得佢自己先知，我就只能夠從公開嘅說話推測。言為心聲，聞到臭味，肯定唔係佢喺本論語孟子度食出呢種滋味。至於係佢本人出事，定係成個同好圈子出事我就不得而知。
任何「粉絲會」一旦脫離社會實際情況再俾佢少少公權就會出事，呢個真係唔係任何人嘅個人責任嚟。等於你都唔會無端端叫 DSE 開科 Mirror Studies 然後用公家錢請佢哋啲粉絲會成員做教師。 不過偏偏啲「中文人」就覺得自己啲嘢冇用但又夠膽收公家錢走去教書，呢樣嘢真係十分之好笑嘅事嚟。 （至於啲嘢有冇用？ 只能夠講本身係有用嘅，不過好似啲武俠小說劇情咁樣，武術秘笈猶在，心法失傳，威力全無，啲花拳秀腿以為自己好打得。）
可能咩 Mirror Studies 真係離譜咗少少，但啲「中文人」感覺真係好似啲哈利波特粉絲咁，可以將小說劇情背到爛熟，可以推演出各種fan theory、同人fan fic，講得頭頭是道。但哈利波特粉嘅特點係咩？佢哋唔信真正嘅魔法嘛。cosplay 就得，真係實踐巫術嘅話就不了。
子曰：君子無終食之間違仁，造次必於是，顛沛必於是。