隨筆

四書係近代科舉嘅指定textbook，基本上俾人讀到爛講到爛。 但最近學習稍有長進，開始發現原來孟子講嘅嘢幾近玄學，比起我之前所理解更甚。 例如孟子講「浩然之氣」嗰段，我十幾廿年前已經讀過，當時係完全唔明咩係「必有事焉而勿正，心勿忘，勿助長也」，以致後面講咩拔苗助長我都係不明所以咁略過。 呢樣嘢係真係要自己明一次先，然後睇返先會真明。講緊 manifestation 呀大佬。「求」同「強求」、「為」同「無為」差十萬八千里，孟子喺度就嘗試說明。但呢樣嘢好難講，所以「難言也」。 浩然之氣另一個有趣之處係「其為氣也，至大至剛，以直養而無害」。呢樣嘢就咁睇冇乜特別，但我早幾個月忽然喺度諗：究竟呢個世界有冇嘢真係越多越好？ 世人好鍾意講所有嘢要「適量」，要「適量」其實即係唔係「真．好」嘅嘢嚟，基本上喺 the dose makes the poison 嘅角度全部都係「毒」。所以世間如果有「至大至剛，以直養而無害」嘅嘢都算係幾獨特。 --- 要出門，得閒講埋「誠」呢個字。「至誠」又係魔法領域嘅嘢嚟。