隨筆

今年一件幾奇怪嘅事。5-8 月，短期 HIBOR 忽然利率驟減至幾乎 0% 。我查又查唔到原因，問人又不得要領。明明美息一直係 3-4%，港元同美元掛勾點解會咁呢？ 後來聽到一個講法係因為新世界債務危機，金管局揼水。我又問下啲人點睇，佢哋又覺得係陰謀論。最普遍嘅講法係「HIBOR 反映香港銀行體系資金有幾多 blah blah blah」 well 個機制確實係咁，但呢個講法冇解釋力架嘛！ 點解銀行無端端多咗錢先？ 嗰排個 yield curve 係短債接近 0%，但 12月 HIBOR 仍然有 ~3%，證明呢個係短期事件嚟，隔夜由 4% 去到 0% 係一個星期內嘅事，而金融系統入面控制短期利息嘅主要係央行⋯ 所以基本上即係金管局因為某些原因喺 2025 年 5 至 8 月將隔夜港元拉到 0% 利率。 當然某些原因未必係「新世界」，但當時市面消息關於金管局亦都主要係金管局「關心」點解啲銀行好似唔想繼續借錢俾新世界⋯ 咁又可能有其他 liquidity event 我哋唔知呢⋯ 但成件事拍埋嚟睇真係好難信係無關。事實上新世界以至其他地產商嗰排如果因為一時周轉唔到搞到禍咗呢啲大 deal 就好唔抵，所以低息環境有利短期周轉亦有助 convince 啲銀行放水，呢個邏輯應該係冇錯嘅。 新世界最大嗰單 deal 傾好咗，好似係七月左右？ 然後過一排個 HIBOR 就返返去相對正常嘅位了。