隨筆

「我以前信【on9嘢】，後來我發現真係好on9，等我分享下我覺醒嘅嘅心路歷程⋯⋯」 呢兩日見咗起碼兩個咁嘅post，無名火起，心不能安，唯有落重手將啲嘢寫返清清楚楚。 簡單嚟講，on9嘅人就係會犯on9錯。呢種on9基本上係刻印喺靈魂上嘅，唔係一般嘅返學攞沙紙就可以消除。唔好話咩人孰無過乜乜柒柒，一來有啲錯純粹係唔好彩，唔係判斷能力出問題；二來本身呢種「我以前on9，而家唔on9喇」嘅格式就係 on9 嘅，成件事根本唔合邏輯。好哋哋做咩會清醒返？你又點知你真係清醒？ 所以我對啲人發表「覺今是而昨非」嘅言論係非常 skeptical 嘅。真正「士別三日刮目相看」嘅事例少之又少，通常佢哋只會係從一個 on9 坑跳到另一個 on9 坑。 [ 寫到咁直白，我發現網絡上有啲人好得意，睇唔過眼你「文字自信」，就會走嚟質疑你。(所以搞到大家講嘢戰戰兢兢就住就住唔敢講心中嗰句) 例如： ] 👉 「你憑咩判斷佢on9？」 「我好on9」基本上係當事人自己判嘅，我只係被動接受呢個宣告，再質疑「我而家唔on9喇」呢個 claim 啫。絕大多數嘅情況可以歸納為兩種： (1) 當事人不斷打倒昨日嘅自己，迷失自我 (2) 當事人以打倒某昨日嘅自己為終生目標，放唔低。如果你明白呢兩種情況嘅問題所在，就知道「我而家唔on9喇」係一個可悲嘅笑話。但偏偏係有呢種傾向嘅人先至會發表「我以前好on9，但而家唔on9喇」嘅宣言。真正吸收完教訓而move on嘅人係唔會咁樣嘅。 👉 「人人都犯錯㗎啦，唔通你冇犯過錯咩？」 我唔否認我成日犯錯，亦唔排除我可能on9。我只係categorically反對「我以前on9，而家唔on9喇」呢類宣言。個人經驗嚟講，我所學習其實都純粹係學一啲「茴字有四種寫法」呢類嘅訊息，但我理解嘅所謂真理其實幾十年來幾乎冇變過，亦都好難想像可以點變。 順手講多兩句。咁係咪冇所謂『覺醒』呢回事？關於呢個問題我仲係好掙扎嘅。冇戲劇性嘅認知改變，真係算覺醒？ 但稱聲覺醒過嘅人又會話，所有嘢都冇分別，其實一切都冇需要變。見山還是山嘛。 👉 「我而家覺得自己好on9，咁點算？」 你鍾意覺得自己on9嘅話咪繼續。唔鍾意就唔好覺得自己係on9。正所謂「on9 is in the heart of the beholder」 (好似係... 唔好以為認蠢認on9係謙虛。其實咁樣絕對係一種自我嘅澎漲。自由意志係呢個宇宙嘅基本原則，喺呢個大原則下大家想做乜就做乜，本身冇乜問題。無論你係唱好定唱衰「自己」都係將「自己」當成主角。煞有介事咁樣點評「自己」係on9，其實係將一個「自己」嘅假象提取出嚟做主題再指指點點，係literally嘅「自我中心」。 如果你從來都唔會花半秒時間去思考同你一齊搭𨋢嘅鄰居係咪on9，點解你會日日反覆咁諗「自己」係咪on9？