隨筆

好多時啲人睇統計數字 咩Band 1a入大學機率、畢業生平均收入之類 會以為只要自己都係嗰堆人入面 擲粒骰就會有個「隨機」嘅結果 可以計算到自己某啲所謂「機會率」 但其實呢個世界唔係咁樣運作 例如一班人100人有99個識唱歌 唔代表你喺嗰班度就會有「99%機會」識唱歌 你自己識唔識唱歌你自己好清楚 個所謂「99%」其實只係其他人喺冇任何其他資訊嘅情況下隨便寫返低啲不確定性 睇住其他人嘅平均值或普遍情況去估算自己會點 個前提係你自己個狀況同嗰班人真係相似 至於係定唔係，其實得你自己先知