喺香港有咩係「搵到食」？
呢個問題其實係幾有趣嘅
拆解咗條問題，個答案就好簡單
點解有人會覺得公務員「搵到食」？
因為一般印像公務員「鐵飯碗」只要唔犯大錯庸庸碌碌就自動有糧出
點解有人會覺得有專業牌就「搵到食」？
例如醫生咁，大家嘅想像係，無論個醫生幾黃幾綠，有個牌幫人9簽假紙都唔會餓死
所以「搵到食」講緊嘅係不論能力，純粹靠個身份就可以有穩定收入嘅工作，而唔係講緊「賺到好多錢」嘅工作。
事實上，喺香港，賺好多錢嘅工作多的是，做生意、炒樓、炒幣、呃阿婆錢、賭馬*、OF賣相⋯⋯ 最top嗰堆肯定搵得多過公務員先。但做呢啲嘢唔係 show 張專業證書出嚟就得，要有能力有技術有人脈。如果你只係想像到自己係一個廢柴，咁上述要靠能力搵錢嘅方法就行唔通。
但一個廢柴做公務員或揸住張專業證書就唔同喇！
⋯ 所以淨係得公務員同專業牌先「搵到食」
* 按：賭馬係賺到錢嘅。有興趣可以查下「顧鳴高」