文言文本身唔係冇用，主要問題係學校唔夠時間有系統咁教，好可能大部份教師本身都半桶水，所以99.9%學生都學唔識。學唔識嘅嘢又點會有用？
一般中學生淨係讀過頂多總共幾千字嘅古文，又唔識睇字典去查字（中小學會教嗰啲叫現代漢語詞典），等於講咗幾場耶穌之後就話教識咗你拉丁文咁樣，你連 I go to school by bus 點講都未知，成壇嘢根本係走過場，做下樣。個人愚見係做得咁hea不如唔好做，另開一科選修嘅古文課算。
文言文係學習任何東亞傳承學問嘅基本prerequisite嚟。所有經典都係文言文寫嘅。現代嘅白話文嘅「翻譯」大半都係鳩鳩哋，試過精研某啲範疇就會知唔親自推敲原文會俾人忽悠到咩地步。咁當然現代教育制度(全球適用)主要功能就係忽悠，半桶水9教文言文都係呢種功能嘅一種體現。
所以呢，學校教文言文係冇用㗎。要學就自己學。