隨筆

Ani-one (中文)個邪惡 youtube channel 每(?)年聖誕都會播 White Album 2 馬拉松 呢套嘢真係越嚼越有味道 例如呢個，真係神預言 (包括男主幾年後感情線都一塌糊塗) ，阿老師喺間濕鳩學校教書真係浪費咗 但呢個都算係一個自我實現嘅預言 可能就係呢層心理壓力，令到女主一直都同男主若即若離，驚自己心意俾對方知道 ------- 話說，今年睇多一次 WA2 留意到唔少之前漏咗嘅情節 某程度上冬馬條線係音樂交流，大概係係《四月》嗰種嘅感覺。《四月》雖然係另一種 trainwreck ，但絕症係天命(讀音：plot device)，本身男女主之間用音樂交流係溝通到嘅，因為兩人都係識音樂。 冬馬最大嘅悲劇位係佢嘗試用音樂傳情，但男主唔完全 get 到。（每次男主指控佢話唔知佢諗乜嗰陣佢都好shock。可以睇返嗰兩(?)次，一次係初吻之前，另一次係「熟練」之前⋯） 鋼琴本身係一種好孤獨嘅樂器：鋼琴唔可以隨身攜帶，所以好難同其他人夾，多數係獨奏，現代情境仲要多數係係比賽。其他樂器就唔同，可以周圍帶，本身樂器有音域限制所以合奏嘅機會多啲。所以女主孤僻性格同佢彈鋼琴並非偶然，係作者精心考慮過嘅。 喺咁嘅前提下，加上女主本身已有少少鍾意嘅男主，佢發現原來男主喺隔籬彈結他，所以隔咗間房配合佢一齊彈，一個年輕有成嘅準鋼琴家，幫個啱啱開始學結他嘅新手彈伴奏，可以想像係需要幾多愛同耐性，幾多柔情似水。喺呢個看似簡單嘅音樂合奏中，真係講咗千言萬語。仲要係整個九月都一直進行。點．可．能．唔．沉。 雪菜音樂感好少少 （唱開歌嘛），一聽就明白係咩回事。但音樂交流之間隔咗一埲牆，亦都代表咗佢哋之間嘅情感始終有呢層隔漠。 另外冬馬收到歌詞之後一直廢寢忘餐咁幫佢寫歌，我一開始都 miss 咗原來老師嘗試沒收嗰本嘢就係寫緊嘅歌。 (真係 dllm 明明坐隔籬都仲要咁迂迴咁玩浪漫，難怪最後 train wreck...) 最後感想係，雖則話男主反應遲緩應負上最大責任，但似乎唯一攻略冬馬正解係完全無視雪菜嘅表示，直接用霸道總裁嘅姿態叫佢留低唔好走 （本身冬馬都係有打算去外國同阿媽一齊）。咁樣做法對一個面面俱圓嘅少年嚟講似乎真係太難喇。 Edited: 2025-12-28 20:03:20