隨筆

全能嘅臉書大神： 呢幾日見到不斷有人喺銅鑼灣廣場地鐵站出口舉高舉直隻手(🈲手勢?) 影相，究竟搞乜東東？

𡁻咗幾日過期花生 又忍唔住講多句 喂大佬，身家幾億都冇，做中產專業人士嗰啲，唔係「權貴」嚟㗎⋯ PS: 叫得「權貴」嘅，起碼都要有返個人大代表、乜乜政協、太平紳士、X紫荊章 之類

呢個真係望周知 ❌ 申張正義 ❌ 替天行道 ❌ 詛咒事主 ✅ 詛咒自己 詛咒呢家嘢，你唔信就猶自可；你信嘅話，啲負面能量透過你嘅意念產生，咁基本上可以假設係自己食咗先，傳唔傳達到出去就好難講。 等於你痾嚿屎出嚟諗住掉去人哋身上，但你論論盡盡嘅話，肯定整臭自己先。

全能嘅脆大神： 呢幾日見到不斷有人喺銅鑼灣廣場地鐵站出口舉高舉直隻手(🈲手勢?) 影相，究竟搞乜東東？

今日食咗大約30件麥樂雞類物體，特此一記

諗起，最近時不時聽到「唔好介入人哋嘅因果」嘅講法。講到咁玄，唔知係咪台灣嗰邊啲天才諗出嚟。但其實講到尾只係一句四字成語：「#關你撚事」。 天道本來就唔避忌同其他能量互動，普遍運作模式都係「有問必答，有求必應」 (cf. 馬太7:7)，所以如果有人主動問你，閉門拒客反而係有違天道。 本身生命影響生命唔一定係壞事，基本上都係睇你發放出去嘅係咩性質嘅東東。不過咁啱向人提供 unsolicited advice 嘅心理構成都係啲見到就令人打冷震嘅動機同心態，雖然表皮用「好心」包住，但內裡基本上都係啲恐懼自貶情緒嘅化合物嚟。如果周圍質啲三唔識七嘅人食呢啲嘢，咁又真係講唔過去，最後自己食返就係實實在在嘅因果循環喇 。（主要係因為嗰啲有毒嘢從來冇離開過）

Intel 唔國有化嘅話，其實都唔見得會有咩用。就算而家叫停咗佢棄 fab cut cost 嘅策略，長遠嚟講條數都係計唔掂。現屆美國政府咁孤寒（同窮），係咪真係肯蝕錢出公數養住個 fab？

禪宗出名搞爛gag，由壇經開始已經係咁。「猶欠篩在」、「迷時師度。悟了自度」、「能者得之」 etc. 雖然我早前話有可能係傳承自廣州人自古以來就係咁詼諧鍾意搞gag，但我理解係仲有其他原由。 第一，係呢啲gag語帶雙關，關乎修行人必須意識到嘅世界嘅層次，或者用英文講會更加容易表達：layers of simulation。壇經講「見自性」，「自性」係咩嚟？乜人唔係由肉身構成咩？由於古代冇 virtual machine 嘅概念，呢樣嘢比較難講 (要到 Alan Turing 講 (Universal) Turing Machine 呢個概念先至真正成形)，我哋比較好彩有多啲 vocabulary 用。 肉身同物理世界係一層 layer ，呢層 layer 自然係存在嘅，但依禪宗所言唔係「本性」(original sing) 嚟，本性不生不滅，所以一定係物理世界以外嘅嘢嚟，係另一層 layer 嘅嘢。 既然「我」有多個 layer ，咁講嘢嗰陣，究竟係同邊個「我」或邊個「你」講呢？ 呢個係一個大問題。 語帶雙關嘅玩法，就係嘗試喺人話嘅限制之下，講一啲多個 layer 都 make sense 嘅說話。此其一。 第二，修行過嘅人應該都感受過其實啲靈體好多都好搞笑。有時純粹係駁到高我嗰陣，啲說話同文字會變得搞笑⋯ 話說禪宗咁鍾意玩偈，五祖要門徒作偈決定衣缽傳人，其實都係接駁高我嘅試練嚟。所以點解五祖話「不得遲滯。思量即不中用。見性之人。言下須見。」

喺 The Rememberer 入面，Matias De Stefano 多次提到 "Nine heavens" (英譯) 嘅概念，又講咗幾次 "nine dimensions"。 咁啱中華道家都係講「九天」、「九重天」，呢個巧合又真係幾耐人尋味。 我真係極度懷疑道家嘅傳承真係遠古西方。又係時候提返個「真」字⋯ ---- 另外佢講 HAM HET HUM 三個呼吸聲 (宇宙渾元呼吸)，同「哼哈」好似係同一樣嘢嚟。「哼哈」最出名係「哼哈二將」，但查返道家好似有個叫「哼哈二氣」嘅嘢。 所以啲巧合真係⋯

#1H3xQaf7BFI 呢個世界有啲嘢係一見到就要 download 咗先。 咩言論自由，你信就真係on9。 PS: btw Vinci Chow 好靚仔